Një person u qëllua për vdekje në mesnatë dhe një tjetër u plagos në Krujë. Ramazan Sino 46-vjeç bashkë me nipin e tij Alvi Bejtja, u qëlluan në oborrin e banesës. Sino ndërroi jetë si pasojë e plagëve të marra, ndërsa i mituri u dërgua në spital dhe ndodhet nën kujdesin e mjekëve, njofton policia e Krujes.
“Rreth orës 00:15, në fshatin Larushk, në Krujë, në oborrin e banesës së shtetasit G. B., në rrethana ende të paqarta janë qëlluar me armë zjarri shtetasit R. S., 46 vjeç dhe A. B., 18 vjeç, (dajë e nip).
Si pasojë e plagëve të marra ka ndërruar jetë shtetasi R. S., ndërsa shtetasi A. B., ndodhet në spital, nën kujdesin e mjekëve.
Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit/ëve”, thuhet në njoftimin e policisë.
Në Tapizë, te lapidari, rreth orës 00:40, është gjetur duke u djegur një automjet dyshohet tip “Volkswagen”.
Dyshimet e para janë se objektiv i atentatit ka qenë Gentian Bejtja, një person i njohur në skedat e policisë.
Bejtja i ka shpëtuar një atentati në vitin 2022, në zonën e Niklës, ku mbeti i plagosur.
Ai shpëtoi edhe në 2016 një tjetër atentati me eksploziv në makinë ku sërish mbeti i plagosur.
Ai është hetuar edhe për vrasjen e kryekomisarit Dritan Lamaj, në Tiranë pasi u dyshua bashkë me Enver Stafukën, si një nga autorët e vjedhjes së makinës nga e cila u vra Lamaj.a.b
