Një person u qëllua me armë zjarri sot në Vlorë.
”Sot rreth orës 12:25, në lagjen “Pavarsia 3”, dyshohet se në rrethana ende të paqarta, është plagosur me armë zjarri shtetasi Tonin Ramaj, (Hosaj), 33 vjeç, banues në Vlorë, i cili ndodhet nën kujdesin e mjekëve”, njofton policia e Vlorës.
Shërbimet e Policisë kanë shkuar menjëherë në vendngjarje, kanë rrethuar zonën dhe vijon krehja e saj për kapjen e autorit.
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorit. a.b
