Kandidati i koalicioni “Bashkë Fitojmë” për Bashkinë e Durrës, Igli Cara tha sot fill pas votimit se prej nesër nis ndryshimi në të gjithë vendin.
Ai theksoi se ka rradhënpor se askush nuk duhet të rrijë pa votuar.
“Ftoj të gjithë qytetarët e Durrësit që të ushtrojnë të drejtën e tyre kushtetuese për të votuar. Kjo është një ditë e rëndësishme për Durrësin. Të mos stepen, pavarësisht se ka edhe momente jo të mira. Jam optimist që bashkë me qytetarët do të bëjmë ndryshimin e shumëpritur. Jam optimist që Durrësi më në fund do tu kthehet qytetarëve.
Data 15 do të jetë datë e fitores së madhe për të gjithë durrsakët. Presionet nuk e frenojnë aspak ndryshimin që do të vijë në datë 15. Sa herë që ka zgjedhje prej 10 vitesh, qeveritarët e bëjnë këtë gjë. Votimi do të jetë i sigurt, i fshehtë dhe mbi të gjitha do të jetë i mirë për ta dhe për Durrësin”, u shpreh Cara. a.b
