Gjykata e Vlorës vendosi sot masën e sigurisë “arrest me burg” për Fredi Belerin, kandidatin e koalicionit “Bashkë fitojmë” për bashkinë e Himarës.
Pas kësaj dosja do të kalojë në SPAK.
Kandidati u ndalua mbrëmjen e së enjtes nën akuzën e korrupsionit aktiv në zgjedhje kryer në bashkëpunim. Beleri u dërgua në Gjykatën e Shkallës të Parë në Vlorë dhe çështja e tij u gjykua nga gjyqtarja Dorina Stroka. Prokuroria kishte kërkuar masën e sigurisë “arrest me burg”.
Ndërsa sot Pano Kokoveshi ka shfaqur probleme shëndetësore dhe është transferuar në QSUT. Kokoveshi dyshohet se vuan nga diabeti dhe ka kryer edhe një bypass në zemër.a.b
