Policia ka shoqëruar me eskortë motrën e Haklajve këtë pasdite pasi ajo u thirr në SPAK për një dëshmi.
Ende nuk dihet se për çfarë ka dëshmuar Aishe Haklaj por vite më parë deklaroi se kërkonte paqe për familjen e saj.
Vëllezërit Haklaj u vranë njëri pas tjetrit në disa atentate në fundvitet 90, përveç njërit prej tyre.
Ata akuzohen ndërkaq në Tropojë për përfshirjen e tyre apo të grupit që drejtonin në dhjetra vrasje të kryera në atë periudhë në Tropojë. Një pjesë prej tyre paguheshin në komisariatin e policisë së Tropojës.
Mes viktimave të Haklaj dhe Jaho Mulosmanit që tashmë është në burg, janë lideri i dhjetorit dhe deputeti, Azem Hajdari, ish drejtori i policisë së Kukësit, Jonuz Hyka dhe vëllai i tij, etj.
Fakti që motra e tyre shoqërohet nga policia do të thotë se ajo po dëshmon nën kujdesin e qeverisë.
SPAK nëse po heton vrasjet në Tropojë ka rast të mirë të zbardhë faqen më tragjike të Tropojës në 150 vitet e fundit me mbi 150 të vrarë.
Opozita e asaj kohe akuzoi atëherë se vrasjet u kryen edhe me mbështetjen e shërbimit të atëhershëm sekret shqiptar drejtuar dhe strukturave të policisë. r.k
