Kryeministri Edi Rama nuk ka komentuar gjatë sot rreth hezitimit të Presidentit Begaj për të dekretuar kryetaren e re të Shërbimit Sekret propozuar pak ditë më herët nga vetë Rama.
Pyetje-përgjigje:
Zoti Kryeministër, a keni informacion pse presidenti i Republikës po heziton të dekretojë emrin që ju i keni propozuar për në krye të SHISH, duke iu referuar edhe një takimi të fundit që keni pasur me zotin Albin Kurti, keni marrë informacion pse ai është shkarkuar nga detyra ku ai shërbente për Shërbimin Informativ të Kosovës?
Kryeministri Edi Rama: Nga unë mësohuni të dëgjoni pagat, pagat, pagat, ekonomia, ekonomia, ekonomia, mirëqenia e njerëzve, mirëqenia e njerëzve, mirëqenia e njerëzve dhe transformimi i përgjithshëm dhe modernizimi i vendit tonë. Kurse këto pastaj, thashethemet e katundit tonë politik dhe mediatik i kemi bërë bashkë për shumë vite, unë nuk kam as dëshirë, as energji, as nevojë dhe mbi të gjitha as kohë për t’u marrë me këto.
– Ish numri dy i qeverisë tuaj tashmë po hetohet nga SPAK me katër akuza. A do merrni vendim politik, zoti Rama?
Kryeministri Edi Rama: Kjo është pjesë e këtyre thashethemeve. Faleminderit!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
