Një shpërthim me tritol ka ndodhur në banesën e Preng Pjetrit, kreu të PD, dega Lezhë.
Sulmi me tritol ka ndodhur gjatë natës dhe ka vetëm dëme materiale, teksa nuk dihet se kush janë autorët.
Detajet:
Rreth orës 02:00, në fshatin Ungrej, në verandën e banesës së shtetasit P. P. 57 vjeç, ka shpërthyer lëndë plasëse, duke shkaktuar vetëm dëme materiale.
Shërbimet e Policisë po ushtrojnë kontrolle në terren dhe në ambiente të dyshuara, për gjetjen dhe arrestimin e autorit/ve.
Grupi hetimor nën drejtimin e Prokurorisë vazhdon veprimet hetimore për zbardhjen e rrethanave të ngjarjes, identifikimin dhe kapjen e autorit/re. a.b
