Kryeministri Edi Rama prezantoi sot drejtoren e re të Kadastrës, Dallëndyshe Bici, thuajse një dekadë pas drejtimit të procesit të transformimit në këtë fushë nga Artan Lame.
Në një takim të posaçëm me drejtues dhe punonjës së kësaj Agjencie, Kryeministri Rama prezantoi këtë ndryshim, teksa theksoi se është koha për një shtysë të re dhe për të hyrë në një fazë përmbyllëse me një ritëm tjetër të gjithë këtij procesi, i cili në fund duhet të garantojë stabilitet të plotë të pronës, stabilitet të plotë të marrëdhënies së pronës, stabilitet të plotë mes marrëdhënies së qytetarëve dhe shtetit në aspektin e pronës.
“Gjithmonë ndryshimet janë në funksion të përmirësimit të punës dhe në një pjesë të rasteve nuk janë hedhje poshtë e punës së bërë, sepse ka dhe raste kur puna nuk është bërë dhe duhet ndryshimi, por ka dhe raste, dhe ky është rasti që është bërë një punë e madhe, por nuk është e mjaftueshme dhe tani duhet të shkojmë më tutje, me një ambicie të re dhe me një fuqi të re dhe me një motivim të ri ,etj, etj, siç ndodh me çdo skuadër, e cila mund të fitojë disa kampionate rresht pastaj ngopet me fitoret edhe fillon edhe humbet pozicione”, deklaroi Rama.
Në vijim ai la të kuptohej se një detyrë tjetër e pret Lamen.
“Tani meqë është një moment sidoqoftë kalimi stafete, unë jam këtu bashkë me drejtorin e derisotëm dhe me drejtoren e qënesërme dhe me drejtoren e AKSH-it e cila drejton një institucion që është në bashkëpunim të vazhdueshëm me kadastrën për arsyet që dihen prandaj nuk dua që ta mbyllim këtë komunikim pa iu kaluar shkurt fjalën të treve, duke filluar nga drejtori i derisotëm të cilin e falenderoj për punën që ka bërë, për përpjekjet që ka bërë, për arritjet që ka garantuar me punën e tij dhe patjetër uroj që me të, dhe ai vetë me ne, të bëjë të tjera punë të mira”, tha Rama. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
