Gjykata e Posaçme shqyrtoi sot kërkesën e SPAK në seancë paraprake lidhur me të pandehurit për inceneratorin e Elbasanit, ish-ministrin e Mjedisit Lefter Koka dhe ish-sekretarin e përgjithshëm të Ministrisë së Mjedisit, Alqi Bllako ndërsa të dy kanë kërkuar gjykim të shkurtuar.
Edhe të pandehurit e tjerë kanë paraqitur të njëjtën kërkesë përpara GJKKO-së.
Vetëm një i akuzuar, Etleva Kondi ka kërkuar të gjykohet me gjykim të zakonshëm.
Nëse togat e zeza të së posaçmes kalojnë dosjen për gjykim do vendoset nëse do pranohet apo jo kërkesa e tyre përmes së cilës ish zyrtarët përfitojnë 1/3 e uljes së dënimit po u gjetën fajtor.
Gjatë seancës paraprake u dëgjuan palët, ndërsa vendimi nëse çështja do kaloje apo jo për gjykim do mbahet më 21 shkurt.
