E përditshmja e madhe amerikane New York Times ka shkruar se ka dyshime rreth faktit se Charles McGonigal është implikuar me oligarkun rus Oleg Deripaska para se të dilte në pension.
New York Times shkruan se nuk ka fakt të fortë që të provojë fajësinë e McGonigal dhe lidhjen me oligarkun rus në kohën kur ai ishte shefi i sektorit te kundërzbulimit në FBI.
Ndërkohë, referuar akuzës së dytë ndaj MCGonigal për korruptim të tij nga ish-oficeri i shërbimeve sekrete Agron Neza, për llogari të kryeministrit Edi Rama, New York Times nënvizon se në aktakuzë flitet vetëm për mosdeklarim të të ardhurave.
Për akuzat e ngritura në adresë të tij, McGonigal u paraqit ne gjykatë duke u vetë-deklaruar i pafajshëm. Ai u arrestua pak ditë më parë sapo mbërriti në aeroportin e New York. /topchannel.tv
