Prej më shumë se një vit janë denoncuar nga opozita, deputetë, media dhe individë me dhjetra raste të korrupsionit me tenderat e KESH të shitjes dhe blerjes së energjisë.
Ditët e fundit u mësua se në 2021 vendi ka prodhuar vetë nevojat për energji në masën gati 75% nga prodhimi i hidrocetraleve publikë dhe 25% nga ata privatë.
Ndërkohë përgjatë 2021 ka pasur shitje dhe blerje energjie me çmime jashtë tregut.
Gjatë vitit 2022 qeveria ka financuar blerjen e rreth 300 milionë euro energji. Ndërkohë liqeni i Fierzës ka rënë sërish pasi u përmirësua nga një javë reshje shiu.
SPAK mjafton të fotokopjojë deklatatat dhe artikujt e mediave për të nisur një hetim që ngjan të jetë vjedhje shumë më e thellë se ajo e inceneratorëve, rrugëve, programit të shkollave etj.
Po ashtu që prej 2015, tenderat e OSSHEE janë në vëmëndje të mediave dhe politikës. Ka tendera që janë përfunduar vetëm me fatura pa prekur asgjë në terren.
Dokumentat aty janë dhe terreni i paprekur aty është. Linjat periferike nuk kanë tension dhe një erë të fryjë i hedh telat përdhe. Transformatorët ‘blihen’ për të rinj por riparohen te fabrika e ‘Koços’ e digjen për një javë.
Një analizë e thjeshtë të çon te krimi, paratë që janë dhënë dhe puna që është bërë, jo dokumentat. Letrat i kanë në rregull. Por verifikoni në terren aty ku krimi duket ashiqare.
Parlamenti të ndryshojë urgjent ligjin e SPAK dhe të çojë në prokurori lokale çështjet me 1 mijë euro apo edhe me 10 mijë euro. Te SPAK te hetohen ato me shuma të mëdha. Ndryshe do kalojë afati 10 vjeçar i parashkrimit dhe hajdutët do gëzojnë paratë e vjedhura që kanë varfëruar Shqipërinë. r.p
