Anëtari i Komisionit të Rithemelimit të PD, Arben Ristani tha sot në një intervistë në abc news se Lulzim Basha do të merret në pyetje edhe nga amerikanët pas prokurorëve belgë.
Ristani tha se ka pasur një dëshmi të dhënë para një trupe gjyqësore të lobuesit të kontraktuar nga Basha që ka marrë 500 mijë dollarë në dorë. Për pasojë, sipas Ristanit kanë nisur hetimet dhe prokurorë amerikanë do të vijnë në Tiranë për të pyetur Bashën.
“Basha është bërë si fëmijët mistrecë që i bien me çokë të tjerët për gabimet që bën. I bie Rama, Berisha, Meta, drejtësia amerikane se nuk shkon dot në Amerikë për çështjen që ka atje. Është e mundshme që të vijnë edhe prokurorë amerikanë për ta marrë në pyetje. Ka pasur një dëshmi të lobuesit të kontraktuar nga Basha që ka marrë 500 mijë dollarë në dorë. Në atë kohë nuk ishte dëshmi para trupës gjyqësore. Aktualisht është dëshmi para trupës gjyqësore. Për shkak të hetimeve dëshmia është dhënë edhe para organeve gjyqësore,”– u shpreh Ristani.
Basha u pyet një ditë më parë nga prokurorët belgë në lidhje me dosjen “Toyota Yaris” për dy orë e 20 minuta. Vetë kryedemokrati nuk ka preferuar të japë detaje në lidhje me dëshminë e dhënë para belgëve. m.k
