Gjykata e Tiranës ka rrëzuar kërkesën e selisë së PD për të shkarkuar gjyqtarin Agron Zhukri nga gjykimi i çështjes që lidhet me vendimet e kuvendit të PD me 11 dhjetor.
Selia e PD kërkoi pak javë më parë largimin e Zhukrit nga kjo çështje. Vetë Zhukri pati dhënë dorëheqje por kjo u refuzua nga drejtuesi i gjykatës.
Vendimi:
Gjykata e Rrethit Gjyqësor Tiranë, Dhoma Civile, në datën 04.02.2022, ka shqyrtuar në dhomë këshillimi, kërkesën, me kërkues Partia Demokratike e Shqipërise, përfaqësuar nga Kryetari i PDSH-së Z. Lulzim Basha në kuptim të nenit 46 të Statutit të Partisë Demokratike të Shqipërisë, me objekt: “Perjashtimin e gjyqtarit Agron Zhukri, nga shqyrtimi i ceshtjes Nr.1346/2021”.
Në përfundim të gjykimit, të zhvilluar në Dhomë Këshillimi, Gjykata duke u bazuar në nenet 72, 74,75 të K.Pr.Civile,
V E N D O S I
-Mospranimin e kërkesës së kërkuesit për përjashtimin e gjyqtarit Agron Zhukri nga gjykimi i çështjes civile me Nr.1346/2021.
