Qysh nga shpallja e koalicionit të Rithemelimit me LSI, Lulzim Basha po përpiqet që ta kthejë në kauzë sulmin ndaj koalicionit që sipas tij është thjesht LSI.
Ai përdor të njëjtën sintaksë si Edi Rama ndaj Ilir Metës dhe LSI dhe nuk ka asnjë ndryshim. Basha e ka këtë ves të kopjes, kur shan Edi Ramën kopjon Sali Berishën, kur shan Ilir Metën kopjon Edi Ramën.
Nuk ka ndonjë ide të re veç asaj që kishte Rama kur thoshte ‘voto Bashën ke brenda Metën’.
Natyrisht kur vulën dhe zyrën ia ruan nga demokratët me policë Edi Rama, nuk ka për të pasur tjetër tekst.
“Për hallin e tij, Sali Berisha iu nënshtrua Ilir Metës.
Ilir Metës i duhen votat e demokratëve për pazarin e rradhës me Edi Ramën.
Çdo votë për “Shtëpinë e Ilirit” është votë për Edi Ramën.
Demokratët e kanë provuar njëherë në kurrizin e tyre në 2013 pazarin Rama-Meta. Për hallin e Sali Berishës ata nuk do të bëhen më pjesë e pazarit të rradhës
Sot është e qartë, nëse zgjedhe Berishën dhe Metën, mban Ramën. Nëse zgjedh Ramën, mban Berishën dhe Metën”, deklaron Basha prej dy ditësh.
Vetëm 10 muaj më parë ai nënshkroi marrëveshjen për qeverisje me LSI. Edhe këtë për hallin e Berishës e bëri?
