Në foto pamja e rrugës e stilizuar nga ‘brryli broadway’
Pamjet nga një “rruge” të pazakontë, postiar nga kryetari i bashkisë Lefter Allla, e cila sapo është ndërtuar në bashkinë e Bulqizës, janë bërë virale në rrjetet sociale.
Rruga është një improvizim me dy korsi betoni dhe në mes ka formën e një kanali.
Kryebashiaku Lefter Alla thotë se rruga është bërë vullnetarisht nga banorët pasi bashkia i mundësoi bazën materiale.
“Në lagjen Zoge në Dragu Bashkëpunuam me banorët për rrugën malore, e cila prej kohësh përbënte një problem të madh për lëvizjen e kalimtarëve. Falë dëshirës dhe vullnetit për të bashkëpunuar, Bashkia Bulqizë mundësoi bazën materiale të nevojshme, ndërsa vetë banorët kryen pjesën tjetër të punës. Bashkia Bulqizë do të jetë e gatshme për çdo partneritet me banorët, pavarësisht natyrës së iniciativave të prezantuara. Bashkë për Bulqizën tonë!”, shkruan kryebashkiaku.
Nuk mungojnë postimet humoristike nga faqe sarkastike apo gazetarë të njohur, që e krahasojnë rrugën me vizat e kokainës, apo shprehen se ajo mund të kthehet në një atraksion turistik për zonën. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
