Pas tetë vitesh abuzim me tendera dhe koncesione deputeti socialist Fatmir Xhafa u kujtua sot të bëjë thirrje që “me ligj duhet ndaluar cdo formë prokurimi që shmang garën dhe konkurimin publik, qofshin PPP, koncensione apo edhe prokurime sekrete”.
Xhafaj theksoi se shqetësimi kryesor i qeverisë “duhet të jetë për të marrë masa shumë më të forta për administrimin e të ardhurave, vecanërisht të procesit të prokurimit të fondeve buxhetore”.
“Kjo kërkon ndryshime të forta në procesin e prokurimeve, sidomos në procesin e kontrollit të tyre nga strukturat audituese dhe vetë KLSH.
Cdo masë pozitive në këtë aspekt do rriste konkurencën në treg do zvogëlonte mundësinë korruptive, do kursenim më shumë para në procesin e garave me fonde publike, do forconte transparencën në prokurime dhe më shumë cilësi dhe përërgjegjësi në përmbushen e detyrimeve kontraktuale”, tha Xhafaj.
Xhafaj ka vendosur theksin tek një qasje e re dhe për ndryshime në ligj e procedura “që mundësojë hartimin, diskutimin, miratimin e monitorimin e zbatimit të buxhetit të shtetit”.a.b
