Rezart Taçi, tashmë i shpallur në kërkim me akuzën e pastrimit të parave, ka quajtur të pabaza akuzën e SPAK.
“Unë nuk arrij ta kuptoj se si mund të nxirret ndaj meje një urdhër i tillë arresti. Nuk ka asnjë provë, asnjë fakt. Është një vendim tërësisht i pakuptimtë”, ka deklaruar Taçi për albanian post.
I pyetur mbi lidhjen për të cilët flet SPAK me biznesmenin italian Francesco Zummo, sipërmarrësi shqiptar ka deklaruar se ai as nuk e njeh 90-vjeçarin dhe nuk e ka idenë se kush është.
Ndërsa, mbi vendimin, ai deklaroi se do ta ankimojë menjëherë dhe ka vënë në lëvizje avokatët e tij për këtë çështje. Ai ka theksuar se nuk ndodhet në Shqipëri personalisht, por hapat e mëtejshëm do t’i ndjekin përfaqësuesit e tij ligjorë.
Taçi njihet për blofet përmes deklaratave sa herë zihet ngusht. Vite më parë deklaroi blerjen e klubit sportiv të Bolonjës dhe Parmës ndërkohë që ishte përfshirë në blerjen e Armos. a.b
