Një tërmet i fuqishëm ka goditur Turqinë këtë mbrëmje ndërsa lëkundja ka qenë me magnitudë 5.1 e shkallës Rihter me epiqendër në qytetin e Konias.
Autoritetet turke thanë se kanë marrë njoftime për dëmtimin e 3 banesave të vjetra.
Në zonë janë dërguar ekipet e shpëtimit edhe pse për momentin nuk ka të dhëna për persona të lënduar.
Kryetari i Bashkisë, Mustafa Kavuş tha se nuk ishin raportuar të lënduar përveç dëmeve të vogla në disa banesa. Tërmeti zgjati gati 10 sekonda dhe shkaktoi mjaft panik në zonë.
