Presidenti i Republikës, Ilir Meta shprehu sot ngushëllimet për ndarjen nga jeta të dirigjentit të njohur shkodran, Kujtim Alija, me anë të një postimi në Facebook
Alija do të mbetet në mendjet e njerëzve si një personalitet i shquar i muzikës shqiptar dhe simbol i Festivaleve të Këngës për Fëmijë, shprehet Meta.
“I trishtë lajmi për ndarjen e parakohshme nga jeta të artistit të mirënjohur shkodran, Mjeshtrit të Madh Kujtim Alija, simbolit të Festivaleve të Këngës për Fëmijë.
Personalitet i shquar i muzikës shqiptare, dirigjent virtuoz, edukator energjik dhe mësues i palodhur i shumë gjeneratave me vlerat e artit dhe kulturës kombëtare, zbulues i talenteve të rralla që do shkëlqenin në skenat vendase dhe botërore, shembull i intelektualit dhe qytetar model të Shkodrës, humbja e tij le pas shumë dhembje.
Ngushëllime familjes, komunitetit të dashur shkodran, artistëve dhe bashkëpunëtorëve të shumtë. Të prehet në paqen e merituar” shkruan Meta.
Kohet e fundit ai vuante nga nje semundje e rende e cila i mori edhe jeten. Kujtim Alija mban titullin Mjeshter i Madh.
