https://www.facebook.com/112606704199140/posts/243954421064367/
Fill pasi biznesmeni italian Francesko Becchetti fillon ekzekutimin e gjobës vënë Shqipërisë nga arbitrazhi ndërkombëtar, ka reaguar sërish PD.
”Rama është përgjegjësi për dëmin prej 120 milionë euro, duhet të shkojë para drejtësisë”, deklaron Sekretari i Përgjithshëm i PD, Gazment Bardhi.
Komenti i Bardhit:
Në traditën e këtij regjimi të korruptuar, premtimet e Ramës se nuk do të paguajmë asnjë lek për luftën e tij me Becchettin, rezultuan të gënjeshtërta.
Dëmi ekonomik prej 120 milionë euro që Edi Rama i ka shkaktuar familjeve shqiptare për luftën e tij personale me sipërmarrësin italian, është i parikuperueshëm, prandaj ata që kanë përgjegjësi për këtë faturë të rëndë për Shqipërinë dhe shqiptarët, duhet të shkojnë para drejtësisë.
Në 8 prill 2021, Partia Demokratike ka depozituar në SPAK kallëzimin për çështjen Becchetti. Faktet dhe provat janë të mjaftueshme që drejtësia të hetojë dhe të vërë para përgjegjësisë penale të gjithë ata që kanë abuzuar me pushtetin, duke shkaktuar këtë dëm të madh ekonomik për familjet shqiptare. a.b
