Nënat e dëshpëruara afgane hedhin fëmijët e tyre mbi telat me gjemba në aeroportin e Kabulit, tregojnë pamjet e transmetuara në mediat britanike.
Ata iu kërkojnë ushtarëve britanikë që t’i dërgojnë në vend të sigurt.
Një oficer ushtrie rrëfeu skenën për “Indipendet” duke u shprehur: “Kishte nëna të dëshpëruara që po dhunoheshin nga talebanët. Ato bërtisnin: ‘ma shpëto fëmijën!’ dhe i hidhnin foshnjat te ne. Disa foshnja ranë mbi telat me gjemba. Ajo çka ndodhi ishte një tmerr. Deri në fund të ditës nuk mbeti asnjë prej nesh pa qarë”.
Ndërkaq Ministri britanik i Mbrojtjes deklaroi se Britania nuk mund të pranojë fëmijë të pashoqëruar nga të rriturit.
Të paktën 12 persona raportohet të kenë humbur jetën që prej të shtunës në Afganistan. Ndonëse talebanët premtuan një qeveri më të moderuar, ata nuk po e ndalin dhunën kundër civilëve. m.d
