Kandidati për kryetar të Partisë Demokratike, Agron Shehaj replikoi në distancë me kryetarin e PD në detyrë, Lulzim Basha në lidhje me qëndrimin për zgjedhjet e 25 prillit.
Shehaj ka deklaruar në Opinion se PD-ja i ka humbur zgjedhjet e 25 prillit.
“Unë nuk di që PD të jetë në pushtet. Nëse PD është në opozitë, për mua nuk është fitore. Unë mendoj që nëse PD nuk është në pushtet, kjo është një humbje. Ne kemi një problem të madh me të vërtetën, nëse nuk themi të vërtetën nuk mund të fitojmë zgjedhjet e ardhshme. E rëndësishme është do futemi ose jo në parlament. Unë mendoj që PD duhet t’i pranojë mandatet dhe do t’i pranojë pavarësisht se kush do jetë kryetari i ardhshëhm. Janë lojëra fjalësh,” tha ai.
Në lidhje me çështjen e hyrjes së kandidatëve të zgjedhur për deputet në Kuvend, ai është shprehur se të gjithë do të hyjnë në Kuvend ndërsa për ‘non grata’ e Berishës ai tha se nuk ka thënë se nuk ka koment por se nuk ka dashur të komentojë.
“Kam shprehur vlerësimin historik të PD që ka një kontribut të pamohueshmë për orientimin e Shqipërisë drejt perëndimit.Nuk kam dashur të komentoj vendimin e DASH se ne nuk kemi as fakte është thjeshtë një deklaratë politike. Nuk kam thënë që nuk kam asnjë koment, por nuk kam dashur ta komentoj. Nuk e shikoj të arsyeshme të komentoj një vendim politik të SHBA. Unë mendoj që për ne është e rëndësishme të mendojmë për PD dhe për të fituar në zgjedhje”, tha Shehaj.
