Një prej zerave të rëndësishëm në fushën e mjedisit, inxhinieri kimist, pedagog dhe ish deputeti Besnik Bara ka sensibilizuar sot rreth ndodtjeve që kompani të naftës kryejnë në Shqipëri. Ai ka sjellë si shembulll reagimi ndaj kësaj ndotjeje një hjyq që Shell ka humbur në Hagë për një ngjarje që ende nuk ka ndodhur.
Postimi i Besnik Bares:
Një nga kompanitë më të mëdha në botë, Shell, ka humbur gjygjin në lidhje me problematikën mjedisore të ndryshimit të klimës. I veçantë është fakti se nuk bëhet fjalë për një ndotje të kryer më parë, por për ndotjet që do të kryejnë në të ardhmen. Shell kishte parashikuar që të reduktonte gazet me efekt serë deri në 2030 me 20%. Një gjykatë në Hagë, ka vendosur që është e pamjaftueshme, duhet në 2030 të reduktohet 45%. Ky vendim do të zbatohet në Hollandë dhe Angli. Larisa Alwin që kryesonte këtë gjykatë pohoi: “ Nëse qeveritë bëjnë pak ose aspak, kompanitë kanë përgjegjësinë të respektojnë të drejtat e njeriut”. Dihet se e drejta për të jetuar në një mjedis të pastër, të pandotur është e sanksionuar edhe në Kushtetutën Shqiptare. Nëse një kompani që favorizohet nga një qeveri, apo qeveria tregon paaftësi për të ndërhyrë, komuniteti ka të drejtë ti kërkojë dëmshpërblim për ndotjen. Rasti më flagrant është ajo që ndodhi para disa vitesh me Bankers në Patos-Marinzë, kur shpërtheu një pus dhe u çliruan sasira të konsiderueshme komponimesh organike volatile dhe gaz sulfhidrik, ky i fundit edhe nervoparalizues. Po të ndodhte ai aksident në Hollandë, gjoba do ishte dhjetra miliona dollar. Precedenti i gjykatës së Hagës do hapë një faqe të re në historinë e të drejtave të njeriut. Lind pyetja a do ketë efekt ky gjygj në aktivitetin e Shell në Shqipëri? a.b
