Çdo kulturë dhe vend ka simbole, për të cilat besojnë se sjellin fat. Historikisht, shumë prej këtyre simboleve janë përdorur nga njerëzit për fatin e mirë dhe për të larguar të keqen por a funksionojnë vërtetë? Teologu Miron Cako, i ftuar në “Abc-ja e mëngjesit” këtë të premte tha se simbolet në vetvete mund të përçojnë energji negative dhe pozitive.
Sipas tij, njerëzit nuk janë të informuar mbi kuptimin e tyre dhe shpeshherë mbajnë simbole që në fakt përçojnë energji negative. “Kryqi kokëposhtë është një simbol satanik që tregon se është i lidhur me djallin. Nuk është aspak fatsjellës sepse tregon se je kundra Zotit. Simboli i paqes është marrë nga lashtësia, është shenjë anti krisht që e mbanin ata që mohonin besimin e krishtë ndërsa sot vihet si simbol i paqes.
Ylli i Priamit, për lart është njeriu perëndi, ndërsa poshtë djalli, një simbol që e mbanin gjatë komunizmit, ylli i kuq është simbol lufte. Simboli rrufe është simboll i djallit dhe këto grupe rrokiste, njihen si djemtë e antikrishtit. Simboli i tre gjashtave është simbol i së keqes, njeriu u krijua në ditën e gjastë, ra në orën 6 dhe është drejt së keqes. Numri i anti krishtit kontrollon sistemin botëror të mallrave.
XXX është një simbol i organit seksual mashkullor që vjen nga India dhe tregon kryqin e shkallmuar, është simbol i vdekjes. Simboli i grushtit ka lidhje me Babiloninë, domethënë arroganca kundër perëndisë. Në grupet okulte do të thotë simbol i fshehtësisë dhe hermetizmit.”, theksoi teologu. abcnews.al
