Nuk ndalen protestat e punonjësve të dy HEC-ve Ulzë dhe SHkopet, ndërsa në ditën e tretë të saj janë bashkuar dhe përfaqësues të Sindikatës së minatorëve të Bulqizës. Kreu i Federatës së Sindikateve të Punonjësve të Industrisë Shqipare, Taf Koleci ka ripërsëritur kërkesat e punonjësve specialistë të larguar padrejtësisht nga kompania Kurum, duke thënë se nuk do ndalen protestat deri në plotesimin e kërkesave të tyre. Sipas tij në ditët vijuese nëse kompania nuk reagon protestës do t’i bashkohen sindikalistë të Industrisë nga i gjithë vendi.
Luan Nika kreu i Sindikatës së Minatorëve Bulqizë ka thënë, se jemi në mbështetje të punonjësve të larguar padrejtësisht nga kjo kompani, dhe mesazhi i tij është drejtuar institucioneve për të zgjidhur problemin e këtyre punonjësve të hedhur në rrugë padrejtësisht.
Ndërsa protestuesit e grumbulluar pranë hyerjes kryesore të HEC-it në Ulzë kërkojnë anullimin e vendimit të Presidentit Kurum dhe rikthimin në punë, në rast të kundërt ata do të përshkallëzojnë protestën deri në bllokimin e hyerjes së punojësve të tjerë në këtë HEC.
Protestuesve janë bashkuar dhe disa të rinj të afërm të familjeve të penalizuar, madje në gjuhë të huaj njëri nga të rinjtë është drejtuar Presidentit Ashmet Kurum të ndërpresë penalizimin e punonjësve, specialistëve me përvojë, që kanë një jetë tërë me këtë profesion dhe mbajnë familjet e tyre.
Kompania Kurum ka larguar disa punonjës në dy HEC-et nga marrja me koncensione të dy HEC-ve në Ulzë dhe Shkopet, duke shkelur dhe kontratat kolektive të punonjësve.
Ndërsa në ditën e sotme forcat e rendit kanë vëzhguar protestën nga distanca, duke shmangur konfrontimet, e një ditë më parë.Ahmet Zani
