Edhe pas deklaratës se ashpër ndaj DASH për vendimin ndaj Berishës dhe ‘dekonspirimit’ të bisedave me ambasadoren në një emision televiziv Presidenti Ilir Meta ia ka dalë të fitojë buzëqeshjen e ambasadores Yuri Kim.
Mera ka postuar disa foto në rrjetin e tij social gjatë momenteve të caktuara në ceremoninë e hapjes së stërvitjes ushtarake të organizuar ditën e sotme në sheshin ‘Nënë Tereza’.
Meta shihet nën shoqërinë dhe në disa foto me ambasadoren e SHBA, Yuri Kim.
“Kënaqësi e veçantë të merrja pjesë sot në Ditën e Hapur të Stërvitjes së përbashkët të NATO-s, “Defender Europe 21”, të organizuar në Sheshin, që mban emrin e Shenjtores së madhe shqiptare, Nënë Tereza.
Përgëzoj Forcat tona të Armatosura për angazhimin dhe profesionalizmin e treguar dhe i inkurajoj për të vazhduar me përgjegjshmëri në drejtim të rritjes së aftësive trajnuese dhe kapaciteteve operacionale për të qenë gjithmonë të gatshëm dhe në përgjigje të situatave dhe detyrave, që burojnë nga Kushtetuta e Republikës së Shqipërisë, si edhe të angazhimeve në kuadër të NATO-s.
Besimi dhe mbështetja e popullit shqiptar ndaj NATO-s, aleancës më të madhe të lirisë, është unanime, ashtu sikundër edhe vokacioni ynë europian”– shkruan presidenti Meta në postimin e tij. a.b
