Një i ri ka dëmtuar me gurë duke thyer xhamat e dy partive politike në Fier.
Ato janë zyrat elektorale të PS dhe PDIU në këtë qytet.
Në videon e publikuar nga ‘JOQ’ dëgjohet i riu që shpreh irritimin e madh ndaj partive që nuk kanë bërë asgjë gjithë këto vite. Personi i cili dëgjohet në video bën thirrje që veprime të tilla të kryehen në çdo zyrë politike në vend, duke përmendur PS, Pd dhe PDIU. Ai ka shkelur orën policore dhe thotë se është drejtuar për në qëndër të Fierit.
‘Këtu jemi në Fier, kemi për ti q*** motrën Edi Ramës, rilindjes dhe këlyshave që e shesin votën për një thes miell. Ca janë këto këlysha që na vjedhin, ia kam bërë xhamin vrima vrima, erdhi shteti dhe nuk më kapi. Pak metra është qendra e Fierit, ku është Edi Rama. Këtë shembull duhet ta marrin të gjithë shqiptarët, të shkatërrojnë të gjithë selitë e PS, PDIU, PD. Kaq kisha mirupashfshim.’– ka thënë i riu. a.b
Fier/ Informacion paraprak
Sot rreth orës 03:00, në lagjen “1 Maj” Fier, në rrugën “Jani Bakalli” dhe pranë poliklinikës, nga ana e shërbimeve të Policisë së rendit, janë konstatuar të dëmtuara me gur dy xhama të zyrave elektorale të dy subjekteve politike.
Grupi hetimor po kryen veprimet për zbardhjen e rrethanave të ngjarjes dhe identifikimin e autorëve.
