Kreu i Partisë Demokratike, Lulzim Basha akuzoi sot kryeministrin Rama si frymëzues dhe provokues i dhunës fizike ndaj mbështetësve të PD në Elbasan.
Basha tha se Rama shoqërohej sot nga banditë me pistoletë në brez.
”Do të vazhdoj me axhendën time, nuk do të ndaloj se Shqipëria ka ndaluar boll për 8 vite. Ju ftoj të më ndiqni dhe të mos ndjekim axhendën e dhunës. Axhenda e dhunës është axhenda e të keqes.E kemi ditë feste me qytetarinë e Elbasanit, me qetësi. Shqipëria dhe Elbasani janë ndalur boll këto 8 dite. Nuk mund të ndalë dhe nuk do të na ndalë më dhuna, e keqja. Është ditë feste dhe shprese, është dita kur dielli do të shëndrisë dhe do të shndrisë më fort në 25 prill për ndryshimin që pret Elbasani dhe Shqipëria. Për një kohë shumë të gjatë Elbasani është mbajtur në vendnumëro nga ushtruesit e dhunës sot, nga bandat e banditët e Elbasanit që njihen me emër dhe mbiemër që sot shoqëronin kryeministrin në ikje me pistoletë në brez, ishte tentativa e tyre për të prishur festën e Elbasanit.Shpresa dhe ndryshimi po vijnë, dhuna nuk do ta ndalë dot”, deklaroi kryetari i PD.
Basha lëshoi këtë paralajmërim. “Dua ti them prerë dhe qartë kryeministrit: Mos guxo të kërcënosh qytetarët e Elbasanit nga bandidët që të rrethonin, me armët e paligjshme në brez. Iki rrugës së dhunës, asgjë nuk e ndal dot ndryshimin. Nuk ka shans që Edi Rama dhe bandat e tij të mbajnë peng Elbasanin”, tha Basha.
I pyetur mbi përplasjen e axhendës mes tij dhe Ramës, Basha dha këtë sqarim.
”Unë e kisha në orën 10 nuk kisha asnjë ide që kryeministri kishte planifikuar tënjëjtin orar. Turpi qëndron në provokim dhe ardhjen në qytet të bandave. Unë jam shoqëruar dhe shoqërohem nga qytetarët e Elbasanit. Ky është modeli im dhe i PD”, tha Basha.
