Sipas autoriteteve të Shëndetit vendas Turqia ka shënuar rekord viktimash në 24 orët e fundit pasi si pasojë e COVID-19 kanë humbur jetën 141 persona.
Vendi regjistroi sot edhe 5,103 raste të reja me koronavirus ndërsa totali i viktimave shkoi në 12,084. Ankaraja Ankaraja ka raportuar vetëm rastet simptomatike me virusin që nga korriku, një lëvizje që sipas kritikëve, fsheh shkallën e vërtetë të epidemisë në vend.
Presidenti Tayyip Erdogan njoftoi të enjten shtrëngimin e mëtejshëm të masave anti-Covid, përfshirë edhe vendosjen e shtetrrethimit, i cili hyn në fuqi sot në orën 20:00, dhe do të funksionojë vetëm gjatë fundjavës, deri në orën 10:00 të ditës pasardhëse. Kufizimi do të marrë fund të hënën në orën 05:00 për të mundësuar rifillimin e aktiviteteve të punës.
Sipas masave të reja grupmoshat e cënuara që përfshijnë persona mbi 65 vjeç dhe nën 20 vjeç do të jenë të detyruar të rrinë brenda në rast se nuk janë të punësuar.
e.h/DRONI.al/
