Ministri i Shëndetësisë së Greqisë, Vassilis Kikilias, ka njoftuar që Greqia po hyn në një bllokim total për një muaj pasi kushtet epidemiologjike po përkeqësohen dhe sistemi Kombëtar i Shëndetësisë po përballet me presion në rritje.
Sipas tij, Kryeministri dhe qeveria pranuan rekomandimin e ekspertëve të sëmundjeve infektive, ndërsa theksoi se njoftimet për masat e reja do të bëheshin nga Mitsotakis të enjten në mëngjes, së bashku me shefin e grupi specialist, profesor Sotiris Tsiodras.
Sipas rekomandimeve të paraqitura nga Komiteti i Ekspertëve vetëm shkollat fillore do të mbeten të hapura, ndërsa shkollat e mesme dhe licetë do të mbyllen.
Gjatë prononcimit për Ant1-TV, Kikilias tha se vendimi u mor pas komunikimit që ai kishte me Komisionerin e Shëndetësisë St. Kyriakidou dhe Drejtorin e Përgjithshëm të Qendrës Evropiane për Parandalimin dhe Kontrollin e Sëmundjeve (ECDC) Dr. Andrea Ammon.
e.h/DRONI.al/
