Ministria e Shëndetësisë në njoftimin e ditës së sotme tha se midis katër pacientëve që kanë ndërruar jetë 24 orët e fundit si pasojë e COVID-19 është edhe një 61-vjeçar nga Saranda.
Por miqtë e tij kanë reaguar duke përgënjeshtruar pretendimet e Ministrisë. Sipas tyre ai nuk kishte asnjë shenjë të Covidit kur u dërgua në spital.
Në një prononcim për Saranda Web ata thanë se 61-vjeçari vuante nga diabeti dhe bënte çdo ditë insulina. Ai u transportua drejt spitalit ditën e djeshme për shqetësimet nga diabeti.
Ende nuk dihet nëse janë marrë tamponat e familjarëve të 61-vjeçarit, të cilët me siguri duhet të kenë qenë në kontakt me të dhe sipas rregullave duhet të izolohen për të ndalur përhapjen e Covidit.
/DRONI.al/
