Qyteti i Elbasanit është blinduar mbrëmjen e sotme nga forcat e policisë të cilat kanë ngritur pika kontrolli në hyrje dhe dalje të qytetit për kapjen e personave në dyshim.
Kjo është e disata herë në javët e fundit që qyteti i Elbasanit blindohet nga forcat e policisë që bëjnë kontrolle makinave të dyshimta, por postblloqet e sotme lidhen me identifikimin e shpalljen në kërkim të Nuredim Dumanit.
Nuredin Dumani është një nga të dyshuarit për vrasjen e Bujar Çelës në Elbasan, vëllezërve Haxhia në Durrës në maj të këtij viti dhe të Klevis Kapllanajt në Rrogozhinë.
Nuredin Dumani dhe Klevis Kapllani janë nga i njëjti fshat, Sinaballaj dhe shoqëroheshin bashkë në publik para se Dumani të kërkohej nga policia. Burime nga policia e Kavajës thonë që Kapllani ka qenë i dënuar në Itali dy herë për shpërndarje droge.
37-vjeçari nga Dibra, Dumani është banues në Durrës. Shkaku i përplasjeve që lanë pas disa viktima dyshohet të ketë lidhje me ‘Grabitjen e Rinasit’. Ka qenë arrestimi i Klevis Allës, një nga të dyshuarit për vrasjen e vëllezërve Haxhiaj që rrëfeu se viktimat kishin ndihmuar e strehuar një prej grabitësve të Rinasit ku më 9 Prill 2019 u grabitën rreth 5 milionë euro. Besmir Haxhia ka qenë i dënuar më parë në nhë burg në Greqi me emrin e rremë Pëllumb Rusi, ku i dënuar ishte edhe Admir Murataj, ideatori kryesor i grabitjes së Rinasit që mbeti i vrarë nga policia gjatë ndjekjes. Është kjo lidhje që ka ngritur dyshimet që dy vëllezërit ishin në dijeni dhe kanë ndihmuar në geabitjen e Rinasit. Përveç strehimit të një prej autorëve dy vëllezërit që mbetën të vrarë mendohet të kenë pasur dijeni për vendin e fshehjes së parave e ky të ketë qenë motivi kryesor i vrasjes së tyre./DRONI.al/
