Policia e Tiranës ka arrestuar mbrëmjen e djeshme tre persona pasi kishin informacion që merreshin me shpërndarjen e lëndëve narkotike.
Burime zyrtare bëjnë me dije se tre të rinjtë u arrestuan pasi policia kishte të dhëna se ata shpërndanin drogë në zona të ndryshme të Tiranës duke i mbajtur nën vëzhgim.
Në fund, forcat “Sigjeta” ndërhynë duke bërë arrestimin në flagrancë të tre të rinjve, 20, 24 dhe 25 vjeç duke i kapur në makinë edhe 88 doza me kanabis.
“Pas mbajtjes në vëzhgim të këtyre shtetasve dhe mbi bazën e dyshimit se në çantën që mbante shtetasi E. D., i shoqëruar nga shtetasi E. Ç., kishte lëndë narkotike, shërbimet e Policisë i kanë bërë thirrje për të ndaluar, por këta shtetas nuk i janë bindur urdhrit të punonjësve të Policisë dhe kanë tentuar të largohen me një mjet tip “Volkswagen” me drejtues R. H., por janë kapur dhe ndaluar nga forca e posaçme “Shigjetat”,-bën me dije policia.
Gjatë kontrollit fizik të tyre dhe kontrollit në automjet, Policia gjeti dhe sekuestroi në cilësinë e provës materiale 88 doza me lëndë të dyshuar narkotike cannabis sativa.
Në përfundim të veprimeve, nga specialistët për Hetimin e Narkotikëve u bë arrestimi në flagrancë i shtetasve E. D., E. Ç. dhe R. H. dhe materialet iu referuan për veprime të mëtejshme, Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike” e kryer në bashkëpunim.
https://www.facebook.com/policiashtetitshqiptar/videos/2871917006427985/
/DRONI.al/
