KQZ gjithashtu konfirmon në detyrë kryebashkiakun e Librazhdit Kastriot Gurra. Gurra është konfirmuar me 5 vota “pro”.
Komisioni Qendror i Zgjedhjeve po ashtu rrëzoi me 5 vota pro kërkesën e Partisë Demokratike për ndalimin e ushtrimit të detyrës për kryetarin e bashkisë së Matit, Agron Malaj.
Sipas verifikimeve të prokurorisë së përgjithshme Agron Malaj, kryebashkiak i Matit rezulton i dënuar në 1999 për armëmbajtje pa leje.
Ai nuk e ka fshehur dënimin në formular, por sipas PD-së dënimi sipas ligjit për dekriminalizimin i ndalon postin e kryetarit të bashkisë.
/DRONI.al/
