Ministria e Brendshme e Kosovës pezulloi sot pasite kontratën për dezinfektimin e kamionëve që futen në territorin e saj. Gjatë ditës së sotme në kufirin Shqipëri-Kosovë, të gjithë kamionët paguanin nga 12-22 euro për të dezinfektuar kamionët. Ndërkohë mbetet në fuqi kushti që çdo person i cili kërkon të futet në Kosovë, duhet të ketë bërë tamponin 4 ditët e fundit, nëse është i prekur nga koronavirusi ose jo.
”Pezullohet kontrata për dezinfektimin e mauneve që vijnë në Republikën e Kosovës. Dezinfektimi i kamionëve parashihej në kuadër të masave për luftimin e pandemisë së COVID-19. Nga ky moment importuesit nuk kanë nevojë t’i dezinfektojnë maunet në pikat kufitare”, thuhet ne nje njoftim te ministrise se Brendshme.
