Presidenti i Republikës, Ilir Meta në konferencën për shtyp nga selia e Presidencës ka treguar se i mbeshteste ndryshimet në Kodin Penal në lidhje me pandemitë, por shtoi se para zbatimit të sanksioneve të miratuara tashmë duhet ndërmarrë një fushatë e tërë informuese.
Meta njoftoi dekretimin e ndryshimin e Kodit Penal ndërsa nënvizon rritjen e numrit të testimeve si “qëllim i vazhduar i qeverisë.”
Ilir Meta: Kam dekretuar sot ndryshimet në Kodin Penal të miratuar nga Kuvendi. Shpallja e ligjit u vlerësua e nevojshme në situatën pandemike që po kalon vendi për arsye se kohëzgjatja, pasojat apo mundësia e ripërsëritjes së një situate të tillë mbeten ende të paparashikueshme për vendin tonë dhe mbarë botën.
Presidenti shtoi se: “Duhet të nisë një fushatë e gjërë informuese, duhet të përfshijë edhe normat e reja penale, të njoftohen të diagnostifikuarit ,të afërmit e tyre. Duhet të jetë e dokumentuar rritja e numrit të testimeve. Duhet të jetë qëllim i MSH”.
/DRONI.al/
