Personi i parë i konfirmuar me koronavirus në burgjet shqiptare është një shtetas italian me inicialet G.C, i cili ndodhet ne qelite e paraburgimit. Ai eshte i moshes 42-vjeç, i arrestuar nga RENEA ne Durres në vitin 2018. Ai akuzohet per trafik droge.
Ai i perket klanit mafioz Di Cosimo në Bari dhe ishte shpallur në kërkim që prej vitit 2017. Pak muaj më parë SPAK skuestroi 9 asete pasurore në emër të G.C.mes tyre një fabrikë për prodhimin e lëndëve plastike në Shijak, arë dhe truall me sipërfaqe 5mijë e 954 m2, 4 makina dhe 2 llogari bankare 3 mln lekë e 22 mijë €.
Mësohet se ai qëndron në paraburgim 313 në pritje të procesit gjyqësor, ndërsa akualisht është karantinuar larg të burgosurve të tjerë. Infektimi i tij ende nuk eshte konfirmuar nga Drejtoria e Burgjeve.
