Nga data zyrtare e shfaqjes së COVID19 në Shqipëri e deri më sot, janë infektuar nga ky virus 21 fëmijë, në moshë pediatrike, ku asnjeri prej tyre nuk ndodhet i shtruar ne spital.
Të dhënat u bënë me dije nga Shefja e Survejancës dhe Shërbimit të Inteligjencës Epidemike në ISHP, Eugena Tomini.
Sa shtretër ka sistemi ynë për të sëmurët rëndë?
Ne kemi në gatishmëri, dhe funksionale, COVID 1 ose spitalin Infektiv, kemi COVID 2 ose spitalin Shefqet Ndroqi, me kapacitete përkatësisht, 120 dhe 190 shtretër. Në gatishmëri në mbështetje për COVID po përgatisim shërbimin e ish-kirurgjive dhe një spital të katër i cili do jetë në mbështetje dhe është në rikonstruksion në mbështetje të COVID.
Numri i të infektuarve në total është 584 dhe 26 prej tyre e kanë humbur jetën.
/DRONI.al/
