Ka shkuar ne 19 viktima numri i personave qe humben jeten nga covid 19 ne Shqiperi. Një 84-vjeçare nuk ka mundur dot të fitojë betejën e saj me koronavirusin, duke ndërruar jetë mbrëmjen e së shtunës në Spitalin Infektiv.
Prej 4 ditësh ajo ndodhej e shtruar në Spitalin Infektiv dhe vuante dhe nga sëmundje bashkëshoqëruese si artrit reumatoid, fibrillation arterial dhe hipertension. 84-vjeçarja ishte nga Tirana me inicialet S.D., konfirmoi Ministria e Shëndetësisë, e cila i shpreh ngushëllimet familjarëve të së ndjerës.
Mëngjesin e sotëm ka ndërruar jetë edhe nje 67 vjecar i shtruar prej 13 ditësh në spitalin Infektiv, prej 6 ditësh i intubuar dhe në hemodializë që e kryente brenda spitalit Infektiv.
Gjatë ditës së sotme janë shtuar 29 raste të reja në 24 orët e fundit në Shqipëri, ndërsa numri total i të infektuarve ka shkuar në 333 raste.
Ndërsa numri i të shëruarve ka shkuar në 99 pacientë.
Mosha mesatare e rasteve pozitive me COVID-19 është 50 vjeç. Në dy spitalet COVID aktualisht po marrin shërbim 71 pacientë.
Shpërndarja gjeografike e rasteve pozitive, është si vijon:
– Tiranë 157 raste
– Durrës 33 raste
– Lushnje 5 raste
– Elbasan 9 raste
– Fier 25 raste
– Kavajë 8 raste
– Rrogozhinë 4 raste
– Korçë 16 raste
– Vlorë 5 raste
– Shkodër 31 raste
– Lezhë 14 raste
– Berat 1 rast
– Has 9 raste
– Krujë 5 raste
-Tropojë 4 raste
– Pukë 4 raste
– Mirditë 3 raste
