Një spital i madh është ngritur në Madrid shumë i ngjashëm me atë që u ngrit në Wuhan për 10 ditë gjatë muajit shkurt.
Në fakt foto më sipër tregon një spital të improvizuar, të ngritur në një qendër konferencash në Madrid të Spanjës. Spitali ka 5500 shtretër dhe është më i madhi i këtij lloji në Europë. Këtë fundjavë aty do vendosen 300 persona.
Në Spanjë janë regjistruar deri tani mbi 1700 viktima nga koronavirusi. Numri i të prekurve i ka kaluar 28 mijë. Spanja është vendi më i goditur në Europë pas Italisë.
