Federata Norvegjeze e Futbollit ka zyrtarizuar përmes faqes së saj në “Twitter” lajmin e shtyrjes së kampionatit Europian Euro 2020 në vitin 2021.
“Kampionati do të zhvillohet nga data 11 qershor deri në 11 korrik 2021”, shkruan në profilin e saj Federata Norvegjeze, pas videokonferencës së UEFA-s me 55 federatat eurpiane të futbollit.
Në pritje të zyrtarizimit të shtyrjes së Kampionatit Europian në verën e vitit 2021, UEFA është në këto momente duke zhvilluar videokonferencën e udhëhequr nga presidenti Aleksander Ceferin me 55 federatat europiane të futbollit.
Futbolli në shumicën e vendeve në Evropë është ndalur përkohësisht. Vendet e vetme në Evropë ku u luajt futboll në nivelin e parë të shtunën ishin Rusia, Turqia, Hungaria, Serbia dhe Ukraina. Ndeshjet e Turqisë u zhvilluan prapa dyerve të mbyllura. Të hënën, Federata hungareze lajmëroi se liga është suspenduar.
/DRONI.al/
