Gjermania pritet të mbyllë kufirin me Francën, Zvicrën dhe Austrinë.
Sipas “Bild”, kufijtë e Gjermanisë do të mbyllen të hënën në orën 08:00 të mëngjesit, por do të garantohet qarkullimi i mallrave. Vendimi raportohet të jetë marrë në një videokonferencë mes Angela Merkel dhe guvernatorëve të Bavierës, Baden Wurttemberg-ut, Renania Palatinatos dhe Saarland-it. Do të ketë kontrolle dhe kthime pas.
Në Austri po ndiqet modeli i Italisë duke mbyllur dyqane, bare restorante dhe duke kufizuar qarkullimin e njerëzve. Parqet e lojërave dhe fushat sportive po ashtu do të mbyllen. Parashikohet edhe ndalimi i fluturimeve drejt Rusisë, Ukrainës dhe Britanisë së Madhe. Masat hyjnë në fuqi në mesnatë.
Çekia është në karantinë. Kryeministri Andrej Babis tha se deri më 24 mars do të qëndrojnë të mbyllura të gjitha aktivitetet tregtare, me përjashtim të farmacive dhe ushqimoreve, pikave të karburanteve dhe disa kategorish që konsiderohen esenciale.
Dhe në Francë, ministri i Edukimit, Jean-Michel Blanquer, thotë se epidemia e koronavirusit me shumë mundësi do të prekë 50 për qind të popullsisë. Qeveria ka njoftuar se transportet në distanca të largëta me trena, autobusë apo avionë do të reduktohen.
Në Spanjë, në 24 orë ka rreth 2,000 raste të reja dhe 100 vdekje.
Sipas të dhënave nga Qeveria janë 7,753 të infektuar dhe 288 të vdekur, vendi i dytë më i goditur në Europë pas Italisë. Spanja është në karantinë me masa të ngjashme si Italia.
Në Britaninë e Madhe konfirmohet masa për të karantinuar për katër muaj të moshuarit mbi 70 vjeç. Britania ka nisur me masa shtrënguese, por ende jo drastike si disa vende të tjera.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
