Bëhen me dije detaje të reja lidhur me ate ngjarje qe policia e cilesoi si perdhunim në Durrës. Mësohet se e mitura ishte njohur në rrjetin social Instagram me 18 vjeçarin me inicialet D.M, i cili aktualisht po mbahet i arrestur në paraburgim nga policia.
Adoleshenti, po banues në Durrës, pas disa kohësh që komunikonte në Instagram me vajzën, identiteti i së cilës nuk dihet, e ka ftuar në takim, ftesë e cila është pranuar nga e reja dhe ditën e dielë, janë takuar në një lokal në zonën e plazhit.
Lidhur me ngjarjen, policia ka sekuestruar si prova telefonat dhe bisedat që dy të rinjtë, nxënës shkolle, kanë bërë në rrjete sociale.
Ndërkohë që 16-vjeçarja do t’i nënshtrohet kontrolleve mjekësore.
‘Nga Specialistët për hetimin e krimeve në stacionin e Policisë Plazh,arrestuan në flagrancë shtetasin: D.M.,18 vjeç, banues në Durrës, pasi dyshohet se ka kryer marrëdhënie seksuale me dhunë me një 16 vjeçare.
Materialet i kaluan Prokurorisë së Rrethit Gjyqësor Durrës për veprime të mëtejshme’, njoftoi më herët policia e qytetit bregdetar.
//DRONI.al/
