Policia ka dhene serish informacione lidhur me kontrollet e imtësishme të mjeteve dhe qytetarëve, me qëllim parandalimin dhe goditjen e paligjshmërisë.
Sipas informacioneve, janë sekuestruar nga Policia Kufitare në Kapshticë 25000 euro. Procedohen penalisht 2 poseduesit, të cilët nuk i deklaruan në kufi.
“Në vijim të kontrolleve të imtësishme, me qëllim parandalimin e krimeve ndërkufitare,
shërbimet e Policisë Kufitare në P.K.K Kapshticë, në dalje të Republikës së Shqipërisë,
përzgjodhën për kontroll në vijën e dytë shtetasin J. R., 46 vjeç, nga Memaliaj, rezident në Greqi dhe shtetasen bullgare D. D., 31 vjeçe, të cilët udhëtonin me mjetin e tyre”,-informon policia.
Gjatë kontrollit të ushtruar nga shërbimet e Policisë Kufitare, në bashkëpunim me shërbimet doganore, këtyre shtetasve iu gjet një sasi prej 25000 eurosh, të fshehura në trup, të cilat nuk i kishin deklaruar para autoriteteve.
Veprimet në lidhje më këtë rast janë kryer nga specialistët e Seksionit të Krimit Ekonomik në DVP Korçë, të cilët kanë flluar procedimin penal ndaj këtyre shtetasve.
DRONI.al/
