Eshtë publikuar dhe dëshmia e personit që alarmoi policinë me mesazhin fals për eksploziv në makinën e gjyqtarit të Korçës, Markeljan Kuqo.
Personi u raportua se ishte Naim Behari, i cili me herët ka deklaruar se lëndën eksplozive e kishte porositur ai.
Ai ka thënë se ka shumë çështje me gjyqtarin Markeljan Kuqo, duke e akuzuar se ka shkelur të gjitha të drejtat e tij.
34 vjeçari, banues në Lapardha të Beratit, i cili aktualisht vuan dënimin në IEVP-Drenovë për vrasje, kishte telefonuar Policinë nga ambjentet e IEVP-së, duke pretenduar se në mjetin e gjyqtarit Kuqi ishte vendosur lendë e dyshuar plasëse, e cila nuk u konstatua gjatë kontrollit të ushtruar.
“E paralajmërova fillimisht por nuk e kam kërcënuar. Ai është një mesazh dhe e kupton shumë mirë gjyqtari. Më njeh më shumë se ç’duhet. I kam kërkuar transferim dhe as e ka marrë parasysh. Nuk është ai askush të tallet me mua. Vendimet e tij të gabuara do i kushtojnë me jetën e tij. Dhe jam i bindur që s’do i gjendet as kocka e fundit. I dënuar për vrasje jam dhe për këtë po vuaj dënimin. Jam dakord. Por të tallet një palo gjyqtar me të drejtat e mia nuk ia fal sa të kem jetë.“, ka thënë 34-vjeçari para oficerit të policisë gjyqësore.
K.B/DRONI.al
