Ngjarja në Kavajë, përpos arrestimit të policit, i cili shtiu me armë për vetëmbrojtje, solli dhe arrestimin e vëllait të Bledar Tocit.
27-vjeçari Bernard Toçi, u arrestua pas kontrollit të ushtruar nga policia pak pas krimit ku mbeti i vrarë Dritan Haxhollin. Kjo pasi në banesën e tij në lagjen nr.2, në katin e tretë të një pallati, u gjetën dhe sekuestruan 7 doza kokainë, të cilat ishin paketuar dhe gati për t’u shitur.
Sipas burimeve mediatike, vëllai i të plagosurit, Bernard Toçi ishte prej muajsh nën hetim nga autoritetet, pasi dyshohej si shpërndarës kokaine.
“Në kushtet e vetëmbrojtjes Toci ka qëlluar për vdekje me armë zjarri tip pistolete shtetasin Drita Haxholli, ( i dënuar më parë për krime kundër personit dhe për lëndë narkotike). Arrestimi i Bledar Tocit për veprën penale “Vrasja me dashje””, sqaronte policia.
