Deputetja Rudina Hajdari ka shprehur sërish bindjen se zgjedhja për të mos iu bashkuar vendimit të opozitës së bashkuar joparlamentare për djegien e mandateve, ka qenë e duhura.
Në një intervistë për gazetaren Nisida Tufa në emisionin “Kjo Javë” në televizionin “Neës 24”, Hajdari ka folur në emër të grupit parlamentar demokrat duke u shprehur se kjo zgjedhje është bërë prej tyre “për të thënë që është djep i demokracisë dhe përballë cdo lloj qeverie, i vetmi vend ku mund të përballemi është parlamenti , aty bëhen ligjet.”
Përsa i përket kritikave mbi lapsuset e saj gjatë fjalimeve në Parlament, Hajdari tha se është njerëzore të bësh gabime, ndërsa shtoi se kritikat e bëjnë më të fortë.
“Të bësh gabime është njerëzore nuk jam njeri perfekt, kam gabimet e mia, nuk është problem për shqiptarët.
Impenjimi kryesor, të shpalos gjëra te reja e problematika që shqetësojnë shqiptarët sot. dhe të mos tërheqin vëmendjen. nuk është e lehtë të bësh deklarata të tilla, por është e nevojshme duhet një njeri që të thotë atë c’ka po ndodh.
Jam mësuar tashmë, kritikat më bëjnë më të fortë nuk më shqetësojnë, rrjetet sociale mundohem mos i ndjek shpesh është krijuar një rreth vicioz ndoshta edhe i koordinuar. “ u shpreh Hajdari.
