Duke qënë se jemi në momentet kur disa tërmete kanë goditur Greqinë dhe kërkohet që Shqipëria të jetë e siguruar, një artikull është rikthyer sërish në vemendje lidhur me këtë temë.
“Le Petit-Journal” ka botuar, të shtunën e 29 gushtit 1942, në faqen numër, një shkrim në lidhje me disa tërmete të rënda që kanë rënë asokohe në Shqipëri.
Blogu “Dars (Klos), Mat – Albania”, e ka sjellë për publikun shqiptar.
Ja çfarë shkruhej atë kohë:
“Dje, në orën 8:15 të mëngjesit, qyteti i vogël i Peshkopisë, i cili gjendet në Shqipërinë e veriut, u godit nga një tërmet i dhunshëm. 80 përqind e shtëpive u shkatërruan. Tërmete janë regjistruar gjithashtu edhe në qytete të tjera shqiptare. Dëmtime të rënda raportohen në shumë fshatra. Thuhet se ka shumë të vdekur dhe të plagosur. Qeveria ka dërguar menjëherë ndihma për viktimat.”
