Një 55-vjecar i shpallur në kërkim për vrasje ka rënë në pranat e policisë mbrëmjen e së mërkurës. Arrestimi është kryer nga strukturat e Komisariatit të Policisë Shkodër në fshatin Bregu Lumit, në Dukagjin, ndersa i arrestuar eshte Nike Lulashi me banim në Tropojë.
Gjykata e Tropojës me vendim nr. 35 datë 25.09.2018 ka caktuar masën sigurisë “Arrest në burg”, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit” .
Lulashi u arrestua për vrasjen e Tahir Bajraktarit një vit më parë, ngjarje e ndodhur në bjeshkën e Doberdollit.
Njoftim i policisë:
Vijon puna për kapjen e personave të shpallur në kërkim.
Kapet dhe ndalohet një person i shpallur në kërkim për vrasje.
Nga strukturat e Komisariatit të Policisë Shkodër në bashkëpunim me Drejtorinë Vendore të Policisë Shkodër në bazë informacioneve të siguruara në rrugë operative dhe pas një pune të mirëorganizuar, kapet dhe ndalohet në fshatin Bregu Lumit, në Dukagjin, shtetasi i shpallur në kërkim: N. L., 55 vjeç, banues në Tropojë.
Kapja dhe ndalimi i tij u bë pasi është autori i dyshuar i vrasjes së shtetasit T. B., ngjarje e ndodhur më datë 18.09.2018, në bjeshken e Doberdollit, Tropojë.
Gjykata e Rrethit Tropojë me vendim nr. 35 datë 25.09.2018 ka caktuar masën sigurisë “Arrest në burg”, për veprat penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe i municionit” .
Ky shtetas do i dorëzohet shërbimeve të D. V. P. Kukës për veprime të mëtejshme.
