Kreu i Këshillit Kombëtar të PD-së, njëkohësisht ish-presidenti Bujar Nishani ka folur në lidhje me situatën politike ku ndodhet Shqipëria.
Në syri.net Nishani është shprehur se me anulimin e datës së zgjedhjeve, presidenti ka ushtruar një të drejtë kushtetuese.
‘Këtë e kam bërë edhe unë duke shtyrë zgjedhjet’, u shpreh ish-presidenti Bujar Nishani.
Por ish-presidenti Nishani është shprehur gjithashtu se presidenti duhet të mbrojë Republikën.
‘Nëse mazhoranca ndërmerr hapa për të shkarkuar presidentin pas këtij akti, atëherë Republika është nën sulm dhe presidentit i lind e drejta të marrë çdo vendim për të mbrojtur Republikën’, u shpreh ish-presidenti Bujar Nishani.
